Relacionet

Jeni duke lexuar pjesë nga libri në punim e sipër: Algjebra e përgjithëshme

Shkalla UNI

Gjykimet Bashkësitë Relacionet Kuptimi i tyre Relacionet binare Relacioni i ekuivalencës Relacioni i renditjes Relacionet ndërmjet dy bashkësive Pasqyrimet Veprimet binare Grupi dhe nëngrupi Unaza, Trupi dhe Fusha

Në matematikë shpesh hasim në formula që shfaqin raporte, lidhshmëri, marrëdhënie ndërmjet elementeve të një bashkësie ose të dy e më shumë bashkësive të ndryshme. Formula të atilla quhen relacione. Në përgjithësi relacioni ndërmjet dy elementeve a, b rëndom shënohet me (a, b) $\scriptstyle \in$ ρ ose me aρb (lexo : a është në relacion ρ me b). Kuptohet, për relacione të posaçme përdoren edhe simbole të posaçme. Për shembull:

• Në bashkësitë numerike për barazinë përdoret simboli $\scriptstyle {=}$ (a $\scriptstyle {=}$ b), për është më i madh simboli > (a > b), për është më i vogël simboli < (a < b), për plotpjesëtueshmërinë simboli $\vdots$ (a $\vdots$ b), për thjeshtësinë relative të dy numrave të plotë simboli (a, b) $\scriptstyle {=}$ 1 etj.;
• Në bashkësitë e objekteve gjeometrike për paralelshmërinë përdoret simboli $\scriptstyle {\|}$ (p $\scriptstyle {\|}$ q), për normalësinë reciproke simboli $\scriptstyle {\bot }$(p $\scriptstyle {\bot }$ q), për kongruencën (përputhshmërinë) simboli $\scriptstyle {\cong }$(F₁ $\scriptstyle {\cong }$ F₂), për ngjashmërinë simboli ~ (F₁ ~ F₂) etj. ;
• Në bashkësitë e çfarëdoshme për përkatshmërinë përdoret simboli $\scriptstyle \in$ (a $\scriptstyle \in$ A) , për inkluzionet simbolet , , , etj.

---