Broshura me planet e Serbisë për Kosovën/5

ashtu QKSK-së për 300.000 euro. Blerjen po e bën Serbia, jo serbët.Andaj
bëhet fjalë vetëm edhe për një aspekt tjetër të rikolonizimit.

Asnjë zyrtar dhe asnjë kryeadministrator i UNMIK-ut asnjëherë në asnjë
mënyrë nuk e kundërshtuan politikën e Beogradit që blen prona të
shqiptarëve për t'i pastruar etnikisht ata prej aty. Madje, kjo është në
kundërshtim edhe me vetë rregulloren e UNMIK-ut 2001/17 e nënshkruar
nga Hans Hakkerup më 22 gusht 2001. Kjo rregullore, në seksionin e tretë
të saj në pikën 3.1 a) thotë që administratori komunal i UNMIK-ut mund të
refuzojë të regjistrojë kontratën për shitjen e pronës së banimit nëse ka
bazë të mjaftueshme për të besuar se transaksioni është bërë ose
përkrahur në mënyrë të drejtpërdrejtë ose të tërthortë nga ndonjë
organizatë ose strukturë me qëllim që sistematikisht të blejë pronësi të
minoritarëve, në mënyrë që ta ndryshojë përbërjen etnike përbrenda një
treve të caktuar. Serbia, nëpërmjet QKSK-së po blen prona të shqiptarëve
në veri të Kosovës të cilët kanë mbetur pakicë atje. UNMIK-u e di shumë
mirë dhe e lejon këtë, duke bërë edhe shkelje të rregulloreve të veta.

Gazeta ditore e Beogradit 'Politika', më 1 shkurt 2006, paralajmëroi se si
komunat nga Serbia dhe Vojvodina, e madje edhe Republika Serbe në Bosnjë,
do të ndihmojnë kthimin e serbëve si dhe komunat e reja serbe në Kosovë
që do të krijohen së shpejti, duke bërë ndërtimin e 1.200 shtëpive, secila për
dy familje serbe. Nëse supozojmë që një familje ka mesatarisht 4 anëtarë,
kjo do të thotë se sipas këtij plani, parashihet që 9.600 persona do të
vendosen nëpër vendbanime kolektive gjatë këtij viti. Në bazë të planit të
QKSK-së të bërë publik tash së voni, kthimi nënkupton kthimin e organizuar
të 6.500 familjeve dhe përkrahjen për kthimin individual të 2.000 familjeve
tjera.

Nëpërmjet decentralizimit dhe krijimit të zonave të veçanta mbrojtëse
përreth kishave dhe manastireve ortodokse po synohet përcaktimi i kufijve
të brendshëm në Kosovë të cilët përkufizojnë entitetin serb brenda
Kosovës. Plani serb parasheh bashkimin e enklavave serbe, duke krijuar
enklava tjera të reja përbrenda, por që kësaj radhe janë shqiptare. 'Kthimi i
qëndrueshëm' në Kosovë lidhet me trashëgiminë kulturore, sepse kthimi
mendohet që të ngjajë te trashëgimia kulturore pasi që kjo ta ketë fituar
statusin e Zonës së Veçantë. 'Kthimi i qëndrueshëm' lidhet edhe me

< 4

faqe - 5 -

6 >