Ç´ka bënë Kuvendi i Kosovës/58

 
 
   Pjesa V
   Ligjet e rishqyrtuara dhe të plotësuara të përvetësimeve dhe buxhetet

   Neni 22
   Ligjet e rishqyrtuara të përvetësimeve dhe buxheteve

   22.1 Ministri i Ekonomisë dhe Financave mund të përgatisë amandamente për Buxhetin e
   Konsoliduar të Kosovës dhe për ligjin mbi përvetësimet, që do të hyjnë në fuqi nëse ai/ajo ka
   mjaft arësye për të besuar se:

       (a) arkëtimet apo shpenzimet për vitin fiskal, do të jenë materialisht më të ulëta
           apo më të larta se ato që parashihen në ligjin e tillë për përvetësimet apo
           buxhetet; apo
       (b) Kuvendi me siguri do të ndryshojë apo anulojë një ligj ekzistues, apo do të
           miratojë një ligj të ri, dhe veprimet e tilla pritet që të ngrisin apo të reduktojnë
           arkëtimet apo shpenzimet për vitin aktual fiskal.

   22.2 Procedura për përgatitjen e amendamenteve për një ligj vjetor mbi përvetësimet dhe
   Buxhetit të Konsoliduar të Kosovës do të jetë e njëjtë me atë që është propozuar në Pjesën IV
   të këtij ligjit; sidoqoftë, me kusht që dispozitat e vendosura në Pjesën IV, të cilat caktojnë
   datat e sakta në të cilat veprimet e caktuara duhet të ndërmirren, do të injorohen. Duke marrë
   parasysh, që amendamentet e tilla të zbatohet vetëm për pjesën e mbetur të vitit fiskal,
   projektligji i rishqyrtuar do të sigurojë këtë.

   Neni 23
   Miratimi i ligjeve apo rregulloreve të reja që kanë nevojë për përvetësime

   Kur, Qeveria është duke hartuar një projektligj për ta dorëzuar në Kuvend apo kur UNMIK-u
   pëprilon një rregullore, dhe ligji apo Rregulloreja e tillë kërkon shpenzimin e parave publike
   në vitin fiskal në të cilin ligji apo rregulloreja e tillë hyn në fuqi, Qeveria apo UNMIK-u, siç
   është rasti, do të përgatisin një raport që tregojn vendin nga do të mirren fondet për
   shpenzimet e tilla shtesë, nga:

       (a) paratë publike të pa-përvetësuara që aktualisht ndodhen në Fondin e
           Konsoliduar të Kosovës;
       (b) të hyrat që priten gjatë pjesës së mbetur të vitit fiskal në të cilin Rregulloreja
           apo ligji i tillë miratohet; dhe/apo
       (c) paratë publike që janë përvetsuar aktualisht, por që do të jenë të papërvetësuara
           pas anulimit të një pjese të përvetësimit aktual.
 
 

< 57

faqe - 58 -

59 >