Ç´ka bënë Kuvendi i Kosovës/109

 
 
   KREU II
   RRJETI BIBLIOTEKAR KOMBËTAR

   Neni 6

   6.1. Çdo bibliotekë është pjesë përbërëse e rrjetit kombëtar bibliotekar me qëllim të
        zbatimit të njësuar të standardeve, përgatitjes dhe shpërndarjes së bazës së të
        dhënave dhe begatimit e bashkërenditjes të bashkëpunimit ndërbibliotekar.

   6.2. Planin strategjik për krijimin e rrjetit bibliotekar kombëtar e harton Ministria e Kulturës
        në bashkëpunim me Ministrinë e Arsimit duke e projektuar në raport me të gjitha
        bibliotekat dhe si komponente të rëndësishme të strategjive afatgjata në fushën e
        kulturës, të sigurimit të informacionit, arsimit dhe edukimit.

   6.3. Bibliotekat bashkëpunojnë për shkëmbimin e informacioneve, ideve dhe përvojës; në
        ndarjen e burimeve, në zhvillimin e koleksioneve, në bashkërendimin e shërbimeve, në
        shkollimin dhe trajnimin e personelit, në sigurimin e qasjes në burime dhe informacione
        bibliotekare nëpërmjet të krijimit, mirëmbajtjes dhe pjesëmarrjes në rrjetin elektronik të
        të gjitha niveleve.

   6.4. Rrjeti i informacioneve bibliotekare është kompatibil dhe pjesë përbërëse e rrjetit
        kombëtar të informacionit.

   6.5. Bibliotekat bashkëpunojnë me institucionet arsimore, shkencore, muzetë, arkivat dhe
        me institucionet tjera të komunitetit për t’i koordinuar burimet dhe përpjekjet për rritjen
        e nivelit të shërbimeve për shfrytëzuesit dhe komunitetin.
 
 

< 108

faqe - 109 -

110 >