Vitviteja/ÇAJUPI/Shqipëtar

SHQIPËTAR

Shqipërin' e mori turku, i vu zjarr! Shqipëtar, mos rri po duku, shqipëtar! Mjaft punove për të tjerë, o fatkeq! Kujto vendin tek ke lerë dhe tek heq... Erdhi dita të ngresh kokë, të kërkosh lirinë, bashkë me shokë të fitosh! Mos bëni si kini bërë gjer më dje, po të luftoni të tërë për atdhe. Pesëqind vjet kemi rruar me pahir, lidhur nga këmb' e duar zinxhir! Mysliman' e të krishterë jemi keq, të ngrihemi që të tërë, djem e pleq. Të ngrihemi të dëftojmë trimëri, ja të vdesim, ja të rrojmë për liri! O moj Shqipëriz' e dashur, mëmëdhe, të shoh me buzë të plasur, si më sheh... Zhvish rrobat e robërisë, mëmëdhe, vish armët e trimërisë, se ke ne.

---