Kanë thënë moti
Thonë dhe sot
Mendja e madhe
E zeza t`zot.
Thoshin të vjetrit
Kohë më parë
Dy atllarë
s` bën një mullar.
Është shumë e vërtetë
S`e fshinë gomë as gisht
Kanë thënë të vjetrit
Dardha ka bisht.
Një ditë me një plak
Po rrinim në park
Tha-mos t`ju hyj
Lepuri në bark.
Të vjetrit kanë thënë
Kjo tashmë u pa
Se nuk duhet pasur
Jo kurrë besë me shka.
Po është e vërtetë
Si buka e grytë
Mali i ka veshët
Fusha i ka sytë.
E mirë është banja
Dhe uji i detit
Por pastërtia
Është gjysma e shëndetit.
Edhe këtë më poshtë
E dinë gjithë dynjaja
Ku s`e shpon burgija
Aty e shpon paraja.
Pleqtë tanë të urtë
Nga përvoja në jetë
E kanë lënë fjalën
Kush vetë, nuk tretë.
Këto fjalë i kanë lënë
Pleqtë tanë të mirë
Secila nga ato
Vlen sa një lirë.
Gusht,1996
|
