Ç´ka bënë Kuvendi i Kosovës/42
KAPITULLI II:
DOKUMENTET PËR MBROJTJËN E MJEDISIT
Neni 6
Strategjia e Kosovës për mbrojtjen dhe zhvillimin e qëndrueshëm të mjedisit
1. Qeveria do të hartojë dhe do t’i parashtrojë Kuvendit një projekt për Strategjinë e
mbrojtjes të mjedisit dhe zhvillimit të qëndrueshëm ekonomik të Kosovës.
2. Projekti për strategjinë e mbrojtjes të mjedisit dhe zhvillimit të qëndrueshëm ekonomi
për Kosovën do të përmbajë qëllime dhe udhëzime për mbrojtjen e mjedisit të Kosovës për
një periudhë kohore dhjetë vjeçare dhe do të koordinohet me planin hapsinor të Kosovës.
3. Projekti për strategjinë e mbrojtjes së mjedisit dhe zhvillimit të qëndrueshëm
ekonomik do të përfshijë, së paku:
(a) Propozim politika për përdorimin e burimeve natyror;
(b) Analiza të kërkimeve shkencore të gjendjes të tanishme të burimeve
natyrore, lokacionin hapsinor, kuantitetin dhe kualitetin e burimeve
natyrore të Kosovës;
(c) Propozim i piroriteteve strategjike për përdorimin e burimeve natyrore,
përfshirë kohën dhe lokacionin hapsinor, kuantiteti, kualiteti, renovimi
dhe rezervat strategjike;
(d) Propozim kushtet për zëvendësimin gradual, aty ku është mundësia, të
burimeve të varfëruara natyrore;
(e) Gjendja e biodiversitetit në Kosovë dhe rajoneve të mbrojtjes të
natyrës;
(f) Një analizë e gjendjes të mjedisit, indentifikimi i dëmeve të mëdha
mjedisore dhe efekti i tyre në shëndetin publik;
(g) Propozim bazë i elementeve dhe kushteve për mbrojtjen e mjedisit dhe
përmirsimin e mjedisit;
(h) Parashikim i gjatë kohor për trendet dhe kushtet mjedisore;
(i) Propozimi i qëllimeve dhe metodave reale për ballafaqimin me trendet
dhe kushtet mjedisore;
(j) Një evaluim real i mjeteve financiare të nevojshme për aritjen e
qëllimeve dhe propozimi i burimeve të mjeteve të tilla; dhe,
(k) Propozim i prioriteteve të detyrave dhe projekteve si dhe autoritetet që
propozohen t’i marin përsipër përgjegjsitë për implementimin e tyre.
4. Propozim strategjia për mbrojtjen mjedisore të Kosovës dhe zhvillimin e qëndrueshëm
ekonomik do të përgatiten nga Ministria në koordinim me Ministri të tjera dhe institucione
shkencore të Kosovës.
5. Përpara se strategjia për mbrojtjen mjedisore të Kosovës dhe zhvillimin e qëndrueshëm
ekonomik i propozohet Kuvendit për miratim, do t’i bëhet e njohur publikut nëpërmes
mediave për të paktën dyzetepesë (45) ditë me qëllim t’i lejohet publikut të shprehim
mendimet e tyre, sugjerimet, komentet dhe opinionet.
Neni 7
Programet e mbrojtjës së mjedisit
1. Çdo pesë vjet, Ministria do t’i parshtrojë Qeverisë një prpozim program për mbrojen e
mjedisit në Kosovë. Propozim programi do të përfshijë propozime për masa që duhen
ndërmarrë ose standarde për krijim e ardhshëm siç vijon:
(a) Promovimi i një sistemi integral për mbrojtjen e mjedisit dhe
promovimin e zhvillimit ekonomik të qëndrueshëm;
(b) Përmirsime në planifikimin mjedisor dhe rregullimi;
(c) mbrojtja e ujit;
(d) mbrojtja e tokës;
(e) mbrojtja e ajrit dhe atmosferës (përfshirë ozonin);
(f) mbrojtja e biodivesitetit, ekosistemeve dhe rajoneve natyrore nën mbrojtje;
(g) rregullimi i aktiviteteve që përfshinë mbeturinat e rezikshme dhe
kemikale degjeneruese; dhe
(h) mbrojtja nga zhurma dhe vibracioni.
2. Të gjitha propozimet e përfshira në propozim programin do të përmbajnë evaluimin e
detakuar të kostove/benificionit të të gjihta masave dhe standardeve të propozuara.
3. Komunat mund të adoptojnë programe komunale për mbrojtjen e mjedisit dhe
programe pune të ngjashme. Këto programe do të jenë konform me këtë ligj dhe aktet
plotësuese normative të miratuara në bazë të këtij ligji.
Neni 8
Aktet e Planifikimit dhe rregullimit Hapësinor
1. Plani hapësinor i Kosovës, Plani hapësinor i komunave, planet për menaxhimin e
resurseve natyrore dhe planet e programet e zhvillimit të përcaktuara me ligj, të cilat kanë
ndikim në mjedis duhet patjetër të përfshijnë vlerësim të aktiviteteve të planifikuara dhe
ndikimin e tyre mbi mjedisin. Vlerësimi i aktiviteteve të planifikuara dhe ndikimi i tyre në
mjedis përgatitet dhe paraqitet në mënyrën dhe proceduren e parapar me ligj dhe evaluimin e
ndikimeve pozitive ekonomike të mundshme në aktivitetet e tilla.
2. Planifikimi hapsinor dhe logjistik-urban do të:
(a) përshkruaj një regjim special për mbrojtjen e natyrës, rajoneve nën
mbrojtje, ujit, tokës, hapsirave të gjelbërta publike, zonave rekreative dhe
banjove natyrale;
(b) definojë rezikun mjedisor të rajoneve (rajone të ndotura, rajone të rezikuara
nga erozioni, nga hedhja e materialeve të papërpunuara, etj.) dhe definojë
prpozim masat për rehabilitimin e rajoneve të tilla;
(c) propozoje masat dhe kushtet për mbrojtjen e mjedisit për hapësirat të
dedikuara për përdorimin e burimeve natyrore, ndërtimit të fabrikave për
prodhimin e energjisë, fabrika industriale dhe infrastruktura dhe ndërtimi i
strukturave për përqëndrimin e mbeturinave.
3. Vlerësimi i aktiviteteve të planifikuara përfshinë analizimin e gjendjes aktuale të
mjedisit, ndikimit të mundshëm në mjedis të aktiviteteve të planifikuara , veprimet e
propozuara për zbutjen e tij si dhe zhvillimin ekonomik.
4. Plani hapësinor i Kosovës , Planet hapësinore rajonale, Planet hapësinore komunale si
dhe aktet e tjera të planifikimit dhe rregullimit hapësinor , para aprovimit të tyre, i paraqiten
për vlerësim (dhënje të mendimit profesional) Agjensionit të Kosovës për Mbrojtjen e
Mjedisit, që është nën autoritetin e Ministrisë.
Neni 9
Raporti për gjendjen e mjedisit
1. Qeveria e Kosovës, në propozim të Ministrisë, i paraqet Kuvendit të Kosovës raport
dyvjeçar për gjendjen e mjedisit. Raporti përfshin, veç të tjerash, të dhëna mbi:
(a) gjendjen e tanishme të mjedisit dhe ndryshimet në mjedis;
(b) ndikimet mjedisore në shëndetin e publikut;
(c) dëmet mjedisore;
(d) qëndrueshëmrinë e përdorimeve të burimeve natyrore;
(e) implementimin e programit për mbrojtjen e mjedisit në Kosovë dhe programet e
punës, si dhe efekti i tyre në zhvillimin ekonomik;
(f) marjen e masavëe për mbrojtjen e natyrës, sukseset nga masat e mara dhe efekti i
tyre në zhvillimin ekonomik;
(g) analizat për funkcioninim e Ministrisë dhe autoriteteve dhe veprimtaritë e
operatorëve të shërbimeve publike që ofrojnë shërbime publike”
(h) evaluimin e shpenzimeve të të kaluarës, të tashmes dhe ardhshme për ndikimin
ekonomik në aktivitetet mjedisore të bëra nga Ministria.
2. Raporti do të publikohet dhe do të jetë i hapur për publikun.
< 41 |
faqe - 42 - |
43 > |