Ç´ka bënë Kuvendi i Kosovës/28
.
Kapitulli 9
Shërbimet universale
.
Nëni 49
Parimet e shërbimeve universale
(1) ART-i do të qeveriset si[pas këtij ligji dhe do të marë parasysh
opinionin/mendimin publik që ka të bëjë me definimin, kërkesat dhe
mekanizmat përkrahës të shërbimeve univerzale në Kosovë.
(2) Shërbimi univerzal është një zhvillim i shërbimeve të telekomunikacionit të
cilin ART-i duhet ta definojë në baza periodike, duke marrë parasyshë përparimet në
telekomunikime dhe teknologjinë informative dhe të shërbimeve.
(3) ART-i duhet t’i promovojë shërbimet univerzale në bazë të parimeve
në vijim:
(a) kualiteti dhe çmimet: kualiteti i shërbimeve duhet të ofrohet me
çmime të arsyeshme dhe të përballueshme.
(b) shërbimet themelore: të gjithë parapaguesit në tërë Kosovën duhet
që së paku të kenë qasje në shërbimet në vijim:
(i) telefoni me zë, duke përfshirë telefoninë me parapagim
individual apo telefonët publikë me pagesë;
(ii) ndihmën e adresarit të parapaguesve;
(iii) Thirrje pa pagesë në shërbimet e emergjencës, duke
përfshirë zjarrëfikësit, policinë dhe ambulancën.
(c) qasje në shërbimet e avansuara: qasje në telekomunikacionët e
avansuara dhe shërbimet e informatave duhet të ofrohen përgjatë tërë
Kosovës.
(d) qasje në vendet rurale dhe rajonë me çmime të larta: konsumatorët
në tërë rajonit e Kosovës, duke përfshirë edhe konsumatorët me të
ardhura të ulëta, ata në vendet rurale, në vende të izoluara, dhe në
rajonë me çmime të larta duhen të kenë qasje në shërbimet e
telekomunikacionit dhe informatave, duke përfshirë edhe shërbimet e
avansuara të telekomunikacionit dhe informatave të cilat janë në masë
të arsyeshme të njëjta me ato shërbime që ofrohen në vendet urbanë,
dhe të jenë të arsyeshme në krahasim me çmimet në vendet urbanë.
(e) kontributet e barabarta dhe jo-diskriminuese: të gjithë ofruesit e
shërbimeve të telekomunikacionit duhet të bëjnë kontribute të
barabarta dhe jo-diskriminuese me qëllim të ruajtjes dhe avansimit të
shërbimeve univerzale.
(f) mekanizmat specifikë dhe të parashikueshëm: duhet të ekzistojnë
mekanizma financiarë specifikë, të parashikueshmëm dhe të
mjaftueshëm me qëllim të ruajtjes dhe avansimit të shërbimeve
univerzale.
(g) Qasja e komuniteve në shërbimet e avansuara të
telekomunikacionit: shkollat dhe universitetet, ofruesit e shërbimeve
shëndetësore, dhe bibliotekat duhet të kenë qasje në shërbimet e
avansuara të telekomunikacionit me qëllim të mundësimit të një
qasjeje më të gjërë publike në shërbimet e avansuara të
telekomunikacionit siç është internëti i brezit të gjërë.
(h) parimet plotësuese: ART-i dhe Ministria mund të përcaktojë parime
plotësuese të shërbimeve univerzale, që janë të përshtatshme për mbrojtjen e
interesit publik, të favorshme, nëvojshme dhe që janë në përputhje me këtë
ligj.
(4) Ministria gjatë rekomandimit, dhe ART-i gjatë definimit, të atyre shërbimeve
që janë mbështëse të shërbimeve universale do të marrin në konsideratë masën deri në
të cilën shërbimet e tilla të telekomunikaconit:
(a) janë thelbësore për arsimim, shëndetin publik, apo sigurinë
publike;
(b) përmes veprimit të tregut me oferta të shumta, një numër i
konsiderueshëm i konsumatorëve kanë parapaguar për atë
shërbim specifik;
(c) janë duke u ofruar në rrjetat publike të telekomunikacionit nga
ofruesit e shërbimeve të telekomunikacionit; dhe
(d) janë në përputhje me interesin, komoditetin e kërkuar dhe
nëvojën publike.
(3) Siç e sheh të arsyeshme, Ministria mund t’i rekomandojë ART-it që të
bëjë ndryshime në definimin e shërbimeve të cilat ART-i i konsideron si
shërbime universale.
(4) Si plotësim i shërbimeve të përfshiera në definimin e shërbimeve univerzale
në paragrafin (1), ART-i mund të akordojë shërbime plotësuese për mekanizmat e
tillë përkrahës për shkolla, biblioteka, dhe ofrues të shërbimeve shëndetësore.
.
Nëni 50
Tenderi mbi shërbimin fiks
(1) Pamvarësisht nga dispozitat tjera të këtij nëni, ART-i do të lëshojë një
konçesion për shërbime fikse të telekomunikacionit në pajtim me procedurat për
tenderim publik dhe ankande. Ministria do të pregatisë dokumentet e tenderit ndërsa
ART-i do të implementojë tenderin dhe të gjitha aspektet e tenderit do të bëhen me
transparence të plotë.
(2) Jo më vonë se 6 muaj pas hyrjes në fuqi të këtij ligji, ART-i në emër të
Ministrisë do të mbajë një tender me konkurencë ndërkombëtare për së paku 150,000
linja të reja, me synim të veçantë për vendosjen e linjave në vendet rurale dhe ato me
shërbime të mangëta. Ministria do të caktojë sasitë e linjave që do të dërgohen në
secilën nga (30) juridiksionët komunale që duhet të instalohen nga konçesionari
brenda fazës 3 vjeçare të ndërtimit sipas kontratës që ka për qëllim ngritjen për 10
përqind të thellësisë së depërtimit të shërbimeve themelore telefonike në Kosovë.
(3) Konçesioni do të përmbajë edhe stimulime për instalimin e shpejtë të linjave dhe
dënime financiare për mospërmbushjen e kërkesave të kontraktuara për instalimin e
tyre.
(4) Konçesionari fitues duhet t’u ofrojë të gjithë shfrytëzuesve të tij qasje në
adresarët e parapaguesve dhe qasje të liruara prej pagesës në shërbimet e emergjencës,
duke përfshirë policinë, zjarrëfikësit dhe ndihmën e shpejtë mjekësore.
(5) Si pjesë e kontratës së konçesionit, ART-i do t’i vërë në dispozicion
konçesionërit fitues burime të spektrit frekuencor në mënyrë që ai t’u ofrojë shërbime
shfrytëzuesve përmes lakut lokal ajror/pa tel, si dhe përmes sistemeve mikrovalore
digjitale për ndërlidhje të rrjetës; e drejta standarde për përdorimin e tarifave për
akordime të tilla të spektrit do të jetë e përjashtuar nga dispozitat tjera mbi ankandet
për frekuenca të ndara.
(6) Konçesionëri fitues do të veprojë në përputhshmëri me kushtet e këtij ligji dhe
të ligjeve tjera të Kosovës.
.
Nëni 51
Tenderi fiber optik
Jo më vonë se 6 muaj prej datës së hyrjes së këtij ligji në fuqi, Ministria do të
mbledhë dokumentacionin e nëvojshëm dhe do të publikojë një tender ndërkombëtar
për krijimin e një lidhjeje të optimizuar të sistemit të telekomunikacionit në Kosovë
me njërën nga lidhjet ndërkombëtare të telekomunikacionit përmes fibrave optik.
Ministria do të pregatisë dokumentet e tenderit ndërsa ART-i do të implementojë
tenderin.
< 27 |
faqe - 28 - |
29 > |