Ç´ka bënë Kuvendi i Kosovës/113

 
 
   KREU VI
   FUNKSIONET THEMELORE TE BIBLIOTEKAVE TE SEKTORIT PUBLIK

   Neni 21

   21.1. Bibliotekat publike në kuadër të funksionit të përgjithshëm nga neni 2 i këtij
   ligji, veçanërisht:

       21.1.1. sigurojnë koleksione nga të gjitha kategorit e materialeve, në të gjitha formatet e
               mundshme dhe në sasi të mjaftueshme si dhe informacione për të gjitha llojet e
               njohurive që reflektojnë drejtimet aktuale dhe zhvillimin e shoqërise si dhe
               trashëgiminë krijuese botërore, duke perfshirë edhe atë të komunitetit, me qëllim që
               shfrytëzuesit të njohin trashëgiminë kulturore, vlerat e artit, arritjet shkencore dhe
               zhvillimet e reja si dhe të plotesojnë nevojat e tyre për edukim, zhvillim personal,
               perfshirë edhe çlodhjen e argëtimin;
       21.1.2. ruajnë dhe prezentojnë koleksionimin e trashegimisë kulturore të bashkësisë në të
               gjithë larminë e saj;
       21.1.3. mbledhin informacion rreth komunitetit dhe e bëjnë të përdorshëm, në mënyrë që të
               ndihmohen qytetarët për të ushtruar të drejtat e tyre demokratike, për t’u njohur me
               çështjet e aktivitetet themelore në komunitet dhe për vendmmarrje të pavrur;
       21.1.4. sigurojnë materiale e informacione që mbështesin arsimin e organizuar dhe arsimin
               individual të shfrytëzuesve të të gjitha moshave dhe që plotësojnë shërbimet e
               bibliotekave shkollore;
       21.1.5. zhvillojnë veprimtari kulturore-sociale e edukuese për popullarizimin e librit dhe
               nxitjen e të mësuarit gjatë gjithë jetës.

   21.2. Ofrojnë shërbime për të gjithë qytetarët në kushte të barabarta dhe pa asnjë dallim, si në
   bibliotekë edhe në bashkësi; sigurojnë qasje në informacion në të gjitha nivelet dhe
   trajnojnë shfrytëzuesit e të gjitha moshave në shfrytëzimin e informacionit dhe
   teknologjisë përkatëse; krijojnë mundësi për të pa aftët që të kenë qasje në mënyrë të
   pavarur; sigurojnë qasje të barabartë për shfrytëzuesit të cilët, për çfaredo arsye, nuk
   mund të përdorin shërbimet e zakonshme të bibliotekës (duke organizuar biblioteka
   lëvizëse për t’u shërbyar atyre që jetojnë në mjedise rurale, shërbime në shtëpi për ata që
   nuk mund të lëvizin nga shtëpia, shërbime për ata që janë në spitale dhe burgje, materiale
   braile për të verbërit dhe regjistrime zanore për të shurdhërit ).

   Neni 22

   Biblioteka Kombëtare e Kosovës

   22.1. Biblioteka Kombëtare e Kosovës është institucioni bibliotekar qëndror i
   Kosovës, dhe qendër e informacionit bibliotekar në nivel kombëtar.

       22.1.a. Biblioteka Kombëtare e Kosovës themelohet me vendim të Kuvendit të Kosovës.

   22.2. Organizimi dhe funksionimi i Bibliotekës Kombëtare të Kosovës është nën
   autoritetin e Ministrisë së Kulturës;

   22.3. Biblioteka Kombëtare e Kosovës:

       22.3.1. është qendër e marrjes dhe e depozitimit të kopjes së detyrueshme;
       22.3.2. është qendër e krijimit dhe e mirëmbajtjes së katalogut përmbledhës
               kombëtar, respektivisht të bazës përmbledhëse kombëtare të të dhënave;
       22.3.3. është qendër e studimeve në fushën e bibliotekonomisë, bibliografisë dhe
               të informacionit;
       22.3.4. është qendër e përgatitjes dhe e ofrimit të informacionit bibliografik, bartëse
               e kontrollit bibliografik në bibliotekat e tjera dhe botuese e bibliografisë
               kombëtare;
       22.3.5. është qendër metodike për zbatimin e standardeve dhe të rekomandimeve
               të organizatave dhe organizmave përkatës ndërkombëtar në veprimtarinë
               bibliotekare dhe të informacionit bibliotekar;
       22.3.6. është qendër për restaurimin dhe konservimin e librit;
       22.3.7. është qendër për koordinimin e rrjetit kombëtar bibliotekar;
       22.3.8. vepron si qender e huazimit ndërbibliotekar;
       22.3.9. katalogon publikacionin e përgatitur për botim (CIP) dhe bënë pajisjen e
               publikacioneve me numrat standard ndërkombëtarë (ISBN dhe ISMN) të
               botuesve në Kosovë;
      22.3.10. Zhvillon programe për trajnimin dhe aftësimin profesional e të
               vazhdueshëm të punonjësve bibliotekar;
      22.3.11. plotëson shërbimet e bibliotekave ndërkomunale dhe të Bibliotekës
               Universitare ;
      22.3.12. ushtron mbikëqyrjen profesionale ndaj të gjitha bibliotekave;

   22.4. Biblioteka Kombëtare e Kosovës anëtarësohet në organizatat
   ndërkombëtare dhe merr pjesë në aktivitete bibliotekare ndërkombëtare.

       22.4.1 Selia e Bibliotekës Kombëtare është në Prishtinë.

   Neni 23

   Bibliotekat komunale dhe ndërkomunale

   23.1. Biblioteka ndërkomunale koordinon bashkëpunimin e dy ose më shumë
   bibliotekave komunale, ndihmon dhe plotëson veprimtarinë e tyre me koleksione,
   huazime, falje të materialeve bibliotekar dhe në shërbime të veçanta për
   shfrytëzuesit që nuk kanë mundësi të shfrytëzojnë shërbimet e zakonshme.

   23.2.Ministria e Kulturës themelon me vendim të veçantë bibliotekat ndërkomunale.

   23.3. Ministria e Kulturës, në marrëveshje me organet përkatëse komunale,cakton
   bibliotekën që do të kryej funksionin e bibliotekës ndërkomunale.

   Neni 24

   24.1. Biblioteka komunale krijohet në çdo komunë, si bibliotekë e bashkësisë në tërësi.

   24.2. Bibliotekat komunale mund të themelojnë degët e tyre në lokalitete sipas kërkesave
   dhe mundësive buxhetore.

   Neni 25

   Biblioteka Universitare

   25.1. Biblioteka Universitare është bibliotekë qendrore e Universitetit të Prishtinës.

   25.2. Organizimi dhe funksionimi i Bibliotekës Universitare është nën autoritetin e
   Ministrisë së Arsimit në bashkëpunim me Universitetin.

   25.3. Biblioteka Universitare siguron materiale, informacione dhe shërbime bibliotekare
   që ndihmojnë veprimtarinë akademike e shkencore si dhe procesin e edukimit
   shkencor e artistik në Universitet dhe zhvillimin e aftësive të stundentëve dhe
   mësimëdhënësve të tyre;

   25.4. Ndihmon studentet që ndjekin studimet në distancë duke iu dhënë në huazim
   materiale bibliotekare dhe duke siguruar qasje në burimet elektronike të
   informacionit.

   25.5. Plotëson shërbimet e bibliotekave të fakulteteve në përberjen e Universitetit.

   25.6. Selia e Bibliotekës së Universitetit është në Prishtinë.

   Neni 26

   Bibliotekat e Institucioneve të shkollimit të lartë janë degë të Bibliotekës Universitare dhe
   sigurojnë materiale, informacione e shërbime bibliotekare që ndihmojnë procesin e edukimit
   shkencor e artistik që ofron fakulteti si dhe zhvillimin e aftësive të studentëve dhe të
   mësimëdhënësve të tyre; ndihmon studentët që ndjekin studimet në distancë duke iu dhënë në
   huazim materiale bibliotekare dhe duke siguruar qasje në burimet elektronike të informacionit.

   Neni 27

   Bibliotekat shkollore

   27.1. Biblioteka shkollore vepron pranë institucionit arsimor përkatës.

   27.2. Biblioteka shkollore siguron materiale, informacione e shërbime bibliotekare në
   funksion të edukimit që ofron shkolla dhe të zhvillimit të aftësive të nxënësve dhe
   të mësimëdhënësve.

   Neni 28

   Bibliotekat e veçanta

   Bibliotekat e veçanta sigurojnë materiale, shërbime e informacione bibliotekare të llojit të
   veçant të njohurive ose me tematikë e veçantë që i plotësojnë nevojat specifike të
   shfrytëzuesve dhe ndihmojnë e mbështesin aktivitetet e institucionit në përbërje të të cilit
   veprojnë.
 
 

< 112

faqe - 113 -

114 >