Ç´ka bënë Kuvendi i Kosovës/111

 
 
   KREU IV
   PËRGJEGJËSITË DHE AUTORIZIMET E ORGANEVE QENDRORE DHE KOMUNALE

   Neni 10

   10.1. Organet e qeverisjes komunale dhe qendrore mbështesin dhe nxisin shërbimet
   bibliotekare dhe sigurojnë kushtet e nevojshme për punën dhe zhvillimin e
   bibliotekave të sektorit publik që kanë nën përgjegjësi në përputhje me politikën e
   zhvillimit të kulturës, informacionit, arsimit e edukimit në nivel komunal e kombëtar e
   të zbatimit të strategjisë për krijimin dhe zhvillimin e rrjetit bibliotekar.

   10.2. Organet e lartëpërmendura bëjnë vlerësimin e shërbimit bibliotekar me qëllim
   që të rritet qasja dhe të mbështetet zhvillimi i shërbimeve.

   Neni 11

   Ministria e Kulturës:

   11.1. Ushtron aktivitete të administrimit qëndror lidhur me bibliotekat ndërkomunale dhe
   Bibliotekën Kombëtare të Kosovës dhe të bibliotekave që veprojnë në përbërjen e
   institucioneve që ka nën përgjegjësi;

   11.2. Nxitë dhe mbështetë aktivitetet e bibliotekave publike për nevojat e diasporës;

   11.3. Nxitë dhe mbështetë komunat për themelimin dhe zhvillimin e bibliotekave
   komunale;

   11.4.Përcakton dhe mbikëqyr funksionimin e rrjetit bibliotekar kombëtar.

   11.5. Nxjerr akte nënligjore për zbatim të këtij ligji, në konsultim paraprak me
   Ministrinë e Arsimit.

   11.6. Mbështet bashkëpunimin ndërbibliotekar ndërkombëtar;

   Neni 12

   Ministria e Arsimit:

   12.1. Ushtron aktivitetet e administrimit qëndror lidhur me Bibliotekën Universitare e ato të
   fakulteteve në kuadër të sistemit të arsimit të organizuar dhe të bibliotekave që veprojnë
   në përbërjen e institucioneve që ka nën përgjegjësi.

   12.2. Nxitë dhe mbështetë komunat për themelimin dhe zhvillimin e
   bibliotekave shkollore në kuadër të sistemit të arsimit të organizuar.

   Neni 13

   Ministria përkatëse dhe organet komunale sigurojnë mjete nga fondet buxhetore dhe
   nga fondet tjera publike për nevojat e bibliotekave që kanë nën përgjegjësi dhe ushtrojnë
   kontrollë për përdorimin efektiv e me përgjegjësi.

   Neni 14

   14.1. Në Ministrinë Kulturës themelohet Këshilli Kombëtar i Bibliotekave si organ
   këshillëdhënës i Ministrit.

   14.2. Në përbërje të Këshillit hyjnë:

       1. Përfaqësuesi i Ministrisë së Kulturës;
       2. Përfaqësuesi i Ministrisë së Arsimit;
       3. Përfaqësuesi i Bibliotekës Kombëtare të Kosovës;
       4. Përfaqësuesi i Bibliotekës Universitare;
       5. Përfaqesuesi i Akademisë së Shkencave dhe të Arteve;
       6. Përfaqësuesi i bibliotekave ndërkomunale;
       7. Përfaqësuesi i Shoqatës së Bibliotekarëve të Kosovës;
       8. Përfaqësuesi i Shoqatës së Botuesve të Kosovës.
       9. Përfaqësuesi i Univerzitetit;

   14.3.Këshilli Kombëtar i Bibliotekave jep mendime, sugjerime dhe propozime për:

       14.3.1. hartimin e projekteve zhvillimore të bibliotekave;
       14.3.2. funksionimin e rrjetit bibliotekar dhe të bashkëpunimit ndërbibliotekar;
       14.3.3. përpilimin dhe mirëmbajtjen e katalogut përmbledhës bibliotekar;
       14.3.4. kriteret themelore për pasurimin e koleksioneve;
       14.3.5. kërkesat financiare të bibliotekave;
       14.3.6. projektet për veprimtarinë e bibliotekave;
       14.3.7. programin për aftësimin profesional, vendosjen e titujve profesionalë, kushtet
               dhe procedurën e dhënies së provimit profesional;
       14.3.8. raportet vjetore të bibliotekave;
       14.3.9. zgjedhjen dhe shkarkimin e drejtorit të Bibliotekës Kombëtare dhe
               Univerzitare të Kosovës dhe të drejtorëve të bibliotekave ndërkomunale.

   14.4. Këshilli Kombëtar i Bibliotekave miraton rregulloren për punën e vet.
 
 

< 110

faqe - 111 -

112 >