Stampa:Mori çikë qi del te therra

Nga Wikibooks
Jump to navigation Jump to search
Mori çikë qi del te therra
-----------------------------------
Mori çikë qi del te therra,
Kanac t'bardhë, e n'kule t'zeza;
N'kule t'zeza, n'kanac të bardhë,
Për shtatë gjaqe s'la pa t'marrë!
- Hajt, bre djal', koke budallë,
Ishalla s'bahet gjak as varrë!
Dorë për dore shkojmë te pasha,
Vet hi mrena, ty t'la përjashta:
- Aman pashë, aman kadi!
Mos me m'da pej qetij!
- Ja pash hajrin, mori bijë,
Ke marrë djalin ma mirë se ti!
Zhandëri: Këngë popullore - Dashurie
Teksti : Mbledhësi IAP-a
Orkestrimi : ?
Muzika : ?
Këndon : Zym, 1973

Burimi[redakto]

  • Libri "KËNGË DASHURIE I", i botuar nga Instituti Albanologjik i Prishtinës; Prishtinë 1979
  • Për redaktimin e kësaj faqe si burim është shfrytëzuar : amza në internet "rapsodet"