Stampa:Gjyshja

Nga Wikibooks
Jump to navigation Jump to search
Gjyshja
--------------	
Sot një këngë do këndoj,
Veç për ty , o gjyshja ime.
E di mirë dhe s'e harroj
të shkaktova shumë trazime

Këngen time ta kushtoj
e të falur të kërkoj
për shumë faje e gabime ,
net pa gjumë e mundime.

Ti u zbardhe , gjyshja ime.
E çdo vit një rrudhë shton
sa kokëçarje shqetësime
sjellja ime të shkakton.

Por ti je gjithnjë e mirë
edhe fajin shpejt ma fal
T'jem e urtë unë kam dëshirë,
por se vrullin dot s'e ndal.


Kur fëmijë kam qenë një herë
e pranë zjarrit me ty rrinja.
Më tregoje ti atëherë
shumë gjëra që unë s'i dija.

Unë dëgjoja gjithë çudi ,
plot kureshtje , kënaqësi.
Dhe sa shumë nga ti mësoja.
Me sa vrull të përqafoja.

Shkuan vitet e tani
s'jam e vogël si atëherë.
Epo gjyshe unë përsëri
ta prish qejfin nganjëherë.

Por se prapë edhe sot
për çdo gjë ti më del zot.
E shikimi yt i dlirë
më jep forcë të jem e mirë.
Teksti : ?
Orkestrimi : ?
Muzika : ?
Këndon : Vaçe Zela
Albumi : Kënga ime
Edior :
U incizua në :
Producent :
Producent muzikor :
Fotografitë :
Dizajni :
Menagjer :
Shtypi :
Viti :

Shënime[redakto]

Dëftuar në Vaçe Zela - Gjyshes nga Admin më datë: 14/03/2008 05:17, kontribuesë në amzën alblyrics.

Variante[redakto]