Kush ka qenë më i rëndësishëm se gjithë Byroja Politike!
Kush ka qenë më i rëndësishëm se gjithë Byroja Politike!
Kadareja ka qenë kryebesniku,
që kishte këtu Partia,
në këtë drejtim shkon dhe letra,
që publikoi Demalia.
Si një talent i jashtëzakonshëm,
që në fillim ai u promovua,
dhe brezi i ri e i vjetër,
nga vepra e tij u edukua!
Kadareja u fut aq thellë,
në ndërgjegjen tonë shoqërore,
dhe fare natyrshëm i kaloi,
të gjitha përmasat njerëzore!
Dhe është e sigurt që s’ka qenë,
asnjëherë në fijen e perit,
nga rëndësia e veprës së tij,
Kadareja vinte fill mbas Enverit!
Një personazh me të tilla përmasa,
ta nxjerrësh disident-mundim i kotë,
i vetmi që udhëheqësin shqiptar,
e bëri të famshëm në Botë!
Kadarenë e kish si dritën e syve,
i gjithë regjimi ynë komunist,
pa atë asgjë me vlerë s’do të mbetej,
në letërsinë e realizmit socialist!
Për gjithë shqiptarët Kadareja ka qenë,
i adhuruar si një Perëndi,
ai qe një armë e regjimit,
dhe s’mund të sakrifikohej kurrsesi!
Nuk besoj se për shkrimtarin ka pasur,
kohë të vërteta kritike,
për përjetësimin e sistemit ai vlente,
më shumë se gjithë Byroja Politike!
Kryebesniku i Komunizmit,
nuk mund të bëhej një penë mëkatare,
dhe gjithë kryeveprat i shkroi,
në kohën e Diktaturës Proletare!
Shkëlqimin e dikurshëm s’e kanë,
ato që shkroi në “kohërat e reja”,
pa veprat në shërbim të diktaturës,
asgjë me vlerë s’do mbetej nga Kadareja!
Nëse s’do përmbysej regjimi,
njëzet e shtatë vite më parë,
me “Gjeneralin e Ushtrisë së Vdekur”,
çmimin :”Nobel”-mund ta kishte marrë!
Dhe vetëm ndënë diktaturë,
fama e tij mund të rritej,
dhe një lis aq madhështor,
qe e pamundur të pritej!
A.Duka