Fotografitë e Enverit në Pezë, në Përmet, në Labinot, në Berat…
Fotografitë e Enverit në Pezë, në Përmet, në Labinot, në Berat…
Nevrikët e SHQUPIT,
i kanë ditë të zeza,
kur kujtojmë ngjarje,
fjala vjen, si Peza!
S’e dimë pse djathtucët,
kaq keq i zë tmerri,
kur aty rishfaqet,
vit për vit Enveri!..
Po mirë-o të zgjuar,
po s’nxorrëm Enverin,
për kët’ Konferencë,
kë duhet të nxjerrim?!.
Kë duhet të nxjerrim,
pyes horr pas horri,
a s’qe Ai burrë,
organizatori?!..
Rama s’e ka nxjerrë,
në fakt, asnjëherë,
se Rama s’e do,
jo, shokun Enver!
Po Rama si ju,
nuk është një idiot,
sepse historinë,
nuk e mohon dot!
Po Rama si ju,
nuk është karnavale,
fotua e Enverit,
i duket normale!
I duket normale,
kështu mendoj unë,
nëse nuk i duket,
është tjetër punë!
Kur të përkujtojmë,
fjala vjen-Përmetin,
prapë Enverë do nxjerrim,
nuk do nxjerrim mbretin!
Këto idiotllëqe,
vitesh na kanë lodhur,
se s’e ndryshon dot,
atë që ka ndodhur!
Po i them Lulushit,
që ka marrë më kot,
Enverin do nxjerrim,
dhe në Labinot!
Po dhe në Berat,
do jetë -o shquparë,
se atje ka ngritur,
Qeverinë e Parë!
Ju doni të ecim,
në re e në mjegull,
po me historinë,
ne jemi në rregull!
E nxorët nga varri,
po ju doli kot,
se nga historia,
nuk e shkulni dot!
Se në histori,
është ngulur si mal,
ndaj fotot e tij,
kudo janë normal!
Duket s’u punon,
hiç-koka e zigjit,
këtu-komunistët,
janë brenda ligjit!
Ju duhet ta dini,
o more shquparë,
se dhe në PE,
kanë Grup Parlamentar!
Po ju gjetkë e kini,
more palo pjella,
se këtu e majta,
ka rrënjë të thella!
Morën në Qershor,
Njëqind deputetë,
se sa shumë janë,
e kuptoni vetë!
E djathta shqupare,
më keq do thërrmohet,
dhe farë e të majtës,
më shumë do të shtohet!
Dhe veç nga e majta,
u rrit Shqipëria,
kjo është e vërteta,
kjo është historia!
Domozdo që Peza,
si gozhdë ju ngeli,
se shoku Enver,
është një gur themeli!
Cdo ngjarje madhore,
me Të është e lidhur,
po qëntë nga zinxhiri,
me kohë janë zgjidhur!
Ham-humet e tyre,
kurrë nuk pushuan,
kafshojnë kë mundin,
kafshojnë ku duan!
Tridhjet e dy vite,
Enveri s’jeton,
po dhe pse i vekur,
këta i tmerron!
Por jini me fat,
edhe pse të mjerë,
se s’është Edi Rama,
si shoku Enver!
Të qe si Enveri,
o të shkretë shquparë,
juve që të gjithë,
do ishit në Sharrë!
Do ishit në Sharë,
larg nga ligjërimet,
për vrasjet dhe vjedhjet,
edhe shkatërrimet!
Më kot ju ka kapur,
i gjithë ky tmerr,
se Edvini s’do,
që të jetë Enver!
Sepse po të donte,
ndryshe do qe puna.
Ajo kohë ka ikur,
ka sosur furtuna!
A.Duka