Besimi tek policia, po rikthehet fuqimisht!

(“Forca e ligjit!”, sukses i padiskutueshëm)

Tani palo opozita,

s’tregon dot përralla me bisht,

besimi tek policia,

po rikthehet fuqimisht!.

Operacione të tilla,

të shtrira në tri qytete,

i bën veç një polici,

që ka shumë kualitete!.

Kjo është polici e shtetit,

që Lulit i çon të fala,

dhe jo ajo që nxjerr SHQUPI,

në përgjimet e përdala!.

Gjithë shqiptarët që janë,

nga paragjykimet të lirë,

është e sigurtë që dje,

janë ndjerë shumë më mirë!.

Dihet që gjithmonë del,

me sukses çdo lloj aksioni,

kur si në kasafortë,

ruhet fort konspiracioni!.

Shyqyr që kësaj radhe,

Luli s’qe i informuar,

se sigurisht disa syresh,

do t’i kishte lajmëruar!.

Ka të drejtë Ministria,

tani të flasi serbes,

se aksioni:”Forcë e Ligjit!.”,

rezultoi një sukses!.

Aksioni:”Forca e ligjit!.

“rezultoi një sukses,

se kuadrot janë vendosur,

në çdo nivel me kujdes!.

Krimi i organizuar,

ende këmbët s’i ka tundur,

po sot shkatërrimi i tij,

nuk është mision i pamundur!.

Krimin e organizuar,

e ka ende Amerika,

por atje-me policinë,

s’ngatërrohet politika!.

Po ku di ta mbylli gojën,

detashment i Lulëzimit,

aq më shumë kur Fatmir Xhafa,

është Njëshi kundër krimit!.

Kuptohet që gjithë meritat,

i ka sot kjo polici,

po drejtimi politik,

është me shumë rëndësi!.

Tani ndonjë fjalë të mirë,

mund ta thotë edhe Lulashi,

po ka dy vjet-që të ziut,

sytë ja ka zënë hashashi!.

Punë e madhe se s’i tha,

opozita lara-lara,

qentë le të lehin fort,

po karvani shkon përpara!

A.DUKA

24 tetor 2018