Asdreni: Dituria

Dituria

Ku jini ju, o mjeshtrit e dëgjuar,

Shkëlqim me veprat botës ju që i dhatë,

Ju filozofër mëndjes gjë që s’latë,

Ku janë ato që i shkuat nëpër duar?

Politikanë e diplomat’ të shquar

Si mendjemprehtë kokë e tru që vratë,

Këshilla që pë pndanit ditë e natë

Dhe predikonit paqen pa pushuar?

Qysh, fjal’ apo me bisht gënjeshtra ishin

Me dorën tuaj gjithë ato që shkruat,

A lodra qenë që ta prishin?

O mjer ata që mendjes suaj merren,

Ju veprat në varreza sot i ndrruat;

Se mbi vëllimet njerëzit po theren!...

1916

Asdreni

Burimi: Gazeta "Shqiptarja.com" 12.11.2013