Ajo llamarinë s’kish shoqe në Botë!

(“Skandali” i shkuljes së shqiponjës prej llamarine)

Ç’i bëre Lulashit,

o Edvin-o lule,

një shqiponjë që nguli,

vajte dhe ja shkule!

Pse e le cullak,

ti mikun e vjetër,

veç asaj shqiponje,

nuk la gjurmë tjetër!

Shqiponja e Lulit,

nuk qe dhe aq fine,

por qe e veçantë,

si prej llamarine!

Ai që e bëri,

e qau me lotë,

llamarinë e tij,

shoqe s’kish në Botë!

Një simbol shqiponjën,

e kanë shumë shtete,

por qe e Lulashit,

mrekulli më vete!

E ka Amerika,

e ka Gjermania,

e ka në flamur,

vetëm Shqipëria!

Shqiponja qëndron,

mbi shkëmbinj e gurë,

po s’ka asnjë vlerë,

kur s’është mbi flamur!

Ajo kish- thotë SHQUPI,

vlera muzeale,

po Rama nuk ndalet,

dhe prodhon skandale!

Gjithë atë shqiponjë,

vajti dhe e shkuli,

simboli i vetëm,

nga koha e Lulit!

Është e vetmja gjë,

që la nga Bashkia,

ndaj mbi opozitën,

ka pllakosur zia!

Rama na i shkuli,

atë zog krenar,

duke bërë një gjest,

anti-kombëtar!

Ndaj edhe ka plasur,

kaq keq rebelimi,

mbetën malësorët,

pa pikë referimi!

Por i themi SHQUPIT,

më mos mbajë zi,

se emri i sheshit,

s’shkulet kurrsesi!

Sheshi i Shqiponjës,

përjetë do të mbetet,

dhe kujtimi i Lulit,

s’ka shans që të tretet!

Se dikur dhe Rama,

ngriti rebelimin,

kur Saliu prishi,

aty mbikalimin!

Miliona euro,

treti ai trap,

e shqiponjë e Lulit,

do të vlejë si skrap!

A.DUKA

14 Nëntor 2018