Çdo gjë humbet dhe tretet, vetëm Mëmëdheu mbetet!

Në kohën e diktaturës,

për të cilën s’mbaron histeria,

Atdheu ynë,

a nuk qe Shqipëria?!

Kjo Shqipëria jonë,

a nuk kishte pa fund armiq,

tani këta na hapën sytë,

se armiqtë i kishim dhe miq!

Përse vinin këtu diversantët,

këta çibanë të tokës sime,

a s’vinin për të vrarë shqiptarët,

për të bërë terror dhe sabotime?!

Pérse qe angazhuar CIA-UDB-ja

-Asfalia dhe MI-PESA,

të gjitha me turp dështuan,

se Sigurimi i Shtetit qe siguresa!

A nuk vranë Ndrec Ndue Gjokën,

dhe Katër Heroinat e Mirditës,

dhjetra mësues e komisarë,

që të pengonin triumfin e dritës?!

Në ato vite të zeza terrori,

a e dini ju-o shqiptarë,

në luftën me bandat-në male,

sa bij nënash janë vrarë?!

Banditët dhe diversantët dekorohen,

nga Nishani dhe shoku Ilir,

oficerët e popullit mallkohen,

e plehrat e Kombit dalin burra të mirë!

Nishani ka qënë oficer-po s’u vra,

se rrugën e kishin pastruar të parët,

tradhtar u bë ky qerrata,

gjersa dekoroi tradhtarët!

Dhe Meta është djalë oficeri,

dhe të tjerët ish-komunista janë,

ne s’po na i nxjerrin sytë ballistët,

po na i nxjerrin njerëzit tanë!

Qeveria s’është distancuar nga kolaboracionistët,

gjersa projektet e turpit financon,

e pse ta votojmë ne antifashistët,

një qeveri që kundër historisë po punon!

Po punon kundër historisë së vërtetë,

projekte turpi me bujë promovon,

kundër kuislingëve asnjëherë nuk flet,

dhe Luftën e Veteranët e Luftës injoron!

Atdheu është i njëjti dje dhe sot,

po të njëjtë nuk janë gjithnjë shqiptarët,

të mundurit historinë s’e shkruajnë dot,

atë e kanë shkruar fitimtarët!

Bota vazhdon rrotullimin,

koha kalon e çdo gjë tretet,

koha dhe njerëzit gjithnjë ndryshojnë,

po Mëmëdheu i njëjti mbetet!

A. Duka

11 Shtator 2018