Ca rreze e pakëz vesë…
Ca rreze e pakëz vesë…
Nuk mbaj mend se kur kam lindur,
dhe s’e di se kur do vdes,
po fati s’më ka braktisur,
tutje Urës së Qabesë.
Nuk jetova-siç kanë thënë,
në një botë shkretëtirë,
u mundova që çdo ditë,
të bëja ndonjë të mirë.
Drejt dritës së mirësisë,
gjithnjë gjeja nga një shteg,
dhe pas detit të trazuar,
ajo më priste në breg.
I pasur s’u bëra kurrë,
nëpër pallate të ndritshme,
po pa kuje dhe pa lot,
hëngra bukën e përditshme.
Dhe tani në fund të rrugës,
jam i qetë si Perëndia,
erë e dashur-Erë e Jugës,
veson mbi këngët e mia.
Nuk mbaj mënd se kur kam lindur,
dhe s’e di se kur do vdes,
më mjaftojnë për të jetuar,
disa rreze-pakëz vesë.
Kush jeton kështu si unë,
asnjëherë s’ka për të humbur,
se ca rreze e pak vesë,
të bëjnë vërtet të lumtur…
12.12.2004
Arben Duka