Letër e hapur eurodeputetes zonjës Doris Pak me kompani/2

Me atë rast, fort i vlefshmi Vehbi Kajtazi² pati shkruar:

“Pra, deklarata e shefit të diplomacisë shqiptare, jo vetëm që nuk është për t’u qortuar,
por është për t’u vlerësuar lart, sepse për herë të parë diplomacia shqiptare ka një qëndrim
të drejtë për Kosovën. Për herë të parë Besnik Mustafaj e nxjerr nga gjumi i thellë servil,
politikën e përgjithshme shqiptare. Për herë të parë diplomacia shqiptare shoqërohet edhe
me tërheqje të vërejtjes që i paska shqetësuar të tjerët. Pse duhet të shqetësohen të tjerët
nga e drejta legjitime për mbrojtjen e vetvetes? Si nuk reagoi askush kur Maqedonia bëri
marrëveshje me Serbinë duke gëlltitur territorin e Kosovës?”
Ku ishin dorispakët e xhonboltonët me kompani dhe pse i mbyllnin të dy sytë përpara
Memorandumit të Akademisë Serbe të Shkencave dhe të Arteve të vitit 1986-
(Memorandum SANU, 1986), apo janë aq të paditur!?!

Përse nuk reagoi askush për varrosjen solemne të kriminelit të luftës Sllobodan
Millosheviqit!? Përse nuk identifikohen as pas 7 (shtatë) vjete kufomat e të masakruarve,
të humburve e të pagjeturve!?- iu vrafshin lotët e nënave shqiptare! Dhe historia ka me iu
akuzuar dhe ndëshkuar për bashkëpunëtorë të kriminelit të ndjerë e të mjerë-Sllobodan
Millosheviq: sa hektarë tokë shqiptare të Komunës së Vitisë ia ka falë Serbia
Maqedonisë!?

Ku ishit Ju zonja Doris Pack që nuk u angazhuat kurrë për arrestimin e kriminelëve të
luftës Karaxhiq-Mladiq!?! Në cilat raste Juve, Zonjë, iu funksionon gishti kërcënues e në
cilat raste iu paralizohet!?!
Pikërisht tash është rasti t’ua përkujtojmë edhe paudhësitë Tuaja paraprake:

faqe 2 -> vazhdon